სსიპ ქალაქ ახალციხის N5 საჯარო სკოლაში ჩატარდა მასწავლებელთა მერვე სასკოლო კონფერენცია. კონფერენციის ფარგლებში, პედაგოგებმა კოლეგებს გაუზიარეს თავიანთი პრაქტიკული გამოცდილება, იმსჯელეს თანამედროვე საგანმანათლებლო გამოწვევებზე და განიხილეს სწავლების ისეთი მეთოდები, რომლებიც გაკვეთილებს კიდევ უფრო საინტერესოსა და პროდუქტიულს ხდის.
კონფერენციის მიზანს წარმოადგენდა პედაგოგებს შორის საუკეთესო პრაქტიკული გამოცდილების გაზიარება, ინოვაციური სასწავლო მეთოდების დანერგვის ხელშეწყობა და მოსწავლეზე ორიენტირებული სასწავლო გარემოს კიდევ უფრო გაუმჯობესება.
